Deur Razeen Gutta
Suid-Afrikaanse tiener sensasie Kwena Maphaka se jaar gaan selfs nog beter word, aangesien die linkshandige bouler homself nou bevind in die Proteaspan se toer na die Wes-Indiese Eilande.
Die 18-jarige is aangewys as die speler van die ICC O19 Wêreldbeker-toernooi. Hy het 21 paaltjies gevat teen ‘n gemiddeld van 9.71 voordat hy sy Indiese Premierliga (IPL) debuut vir die Mumbai Indians gemaak het.
Proteas-hoofafrigter Rob Walter sien die driedelige T20-reeks in die Wes-Indiese Eilande as ‘n perfekte geleentheid om die jongeling aan die internasionale toneel bekend te stel. Die krieketwêreld hou reeds ‘n oog op hierdie jong bouler.
“Hy is ‘n wonderlike kalm jongman en dit lyk of hy goed kophou,” het Walter gesê.
“Ons het gesien hoe hy vir die Leeus in die plaaslike kompetisie presteer deur superbeurte te boul en wedstryde vir hulle te wen, en hy het goed gevaar in die O19 Wêreldbeker. Hy lyk asof hy ‘n koel perspektief op alles het.”
Walter het die belangrikheid van Maphaka se IPL-ervaring genoem, wat hy beskryf het as yslik – ten spyte van sy gebrek aan prestasie.
“Ons het gesels oor sy IPL-ervaring, en alhoewel die punte nie daar was nie, is daar min skoolseuns wat kan sê hulle het al voor ‘n vol Wankhede-stadion uitgehardloop en dit agter die rug gekry,” het hy bygevoeg.
“Afgesien van vaardighede, hou ek van sy ingesteldheid en sy kalmte, en ons sien hom as ‘n sterk potensiaal vir die Proteas se toekoms. Dit was ‘n ideale geleentheid om hom op toer te neem en deel van die stelsel te maak.”
Die eerste van drie T20 internasionale wedstryde skop Vrydag in Trinidad af.
Op die foto hierbo: Kwena Maphaka.
Bron: @wercricket
